"Xeberinfo.com":  Məlumata görə, bu sözləri Rabitə və yüksək texnologiyalar naziri Əli Abbasov bu gün Bakıda keçirilən Azərbaycan İnvestisiya Forumunda çıxışı zamanı deyib.

Nazir qeyd edib ki, hazırda neft qiymətlərinin aşağı düşməsi investorlar arasında müəyyən təşviş yaradıb:

“Bəzi ölkələrdə baş verən böhran bir daha göstərdi ki, hamı neftdən asılılığı azaltmalıdır. Azərbaycan da buna uyğun addım atmalıdır”.

Nazir həmçinin hazırda Azərbaycanda İKT sektorunun inkişafını da yüksək qiymətləndirərək bildirib ki, Azərbaycan internetin inkişafı baxımından MDB ölkələri arasında liderlər sırasındadır.

Nazirin sözlərinə görə, Azərbaycan 2012-ci ildə 41 milyon ABŞ dolları həcmində İKT məhsulu ixrac edib:

“Azərbaycan bazarı kiçikdir. Bu isə xarici investroların Azərbaycana cəlb edilməsində və ölkəmizdən ixrac olunan məhsulların xarici bazarlara çıxarılmasında müəyyən çətinliklər yaradır. Rabitə və Yüksək Texnologiyalar Nazirliyi olaraq bunun üzərində işləyirik. Azad ticarət qurulmalı və bununla bağlı modellər işlənilməlidir. Bu, həm bizim bazarı, həm də qonşu ölkələrin bazarlarını da xeyli genişləndirəcək”.

Axar.az