Yenixebr.org: Rusiya müxalifətinin lideri, Korrupsiya ilə Mübarizə Fondunun qurucusu Aleksey Navalnı prezident Vladimir Putini məhkəməyə verib. Bu haqda siyasi şərhçi Xaqani Cəfərli özünün fb səhifəsində yazıb:

"Rusiya müxalifətinin lideri, Korrupsiya ilə Mübarizə Fondunun qurucusu Aleksey Navalnı prezident Vladimir Putinə qarşı Tver Məhkəməsində iddia qaldırıb.
Korrupsiya ilə Mübarizə Fondunun daha 10 nəfər əməkdaşının imzası olduğu məhkəmə iddiasında qeyd edilir ki, prezident Putin hər bir şəxsin konstitusion hüquqlarının təminatçısı olsa da, bu öhdəliyini yerinə yetirmir. Fondun iddia ərizəsində mənzil toxunulmamazlığı, sərbəst toplaşmaq, azad məlumat almaq və yaymaq, fikir azadlığı kimi təməl hüquqların mütamadi pozulması hallarının qarşısı alınmaması ilə bağlı məqamlar yer alıb. Prezidenti Konstitusaiyanın 80-ci maddəsini pozmaqda ittiham edən Navalnı məhkəmənin dövlət başçısına qarşı qərar çıxaracağına da ümid etmir. Bununla belə müxalifət lideri hesab edir ki, prezidentin qanunsuzluqlara görə şəxsən hüquqi məsuliyyət daşmasını sənədləşdirmək vacibdir və gələcəkdə lazım olacaq. Navalnı hesab edir ki, qurucusu olduğu Korrupsiya ilə Mübarizə Fonduna qarşı dövlət strukturlarının hücum əmrini şəxsən prezident Putin verib".