Serbiyanın prezidenti Aleksandr Vuçiç Rusiyanın tərkibinə daxil edilmiş Krımı tam müstiəqilliyə can atan Kosova ilə müqayisə edib.

Yenixeber.org: Onun sözlərinə görə, hələlik Serbiya Krımı Rusiya ərazisi kimi tanıya bilməz. Çünki bu, Qərb ölkələri tərəfindən Kosova məsələsində neqativ baxımdan istifadə oluna bilər.
«Biz bu gün bunu etsəydik, qarşımıza bunun Kosova ilə bağlı analogiyasını qoyardılar. Deyərdilər – elə həmin prinsipə əsasən, Kosova da müstəqildir və bununla mübarizədə daha bizim hüququmuz olmazdı» - deyə, Vuçiç «Rossiya-24» telekanalına bəyan edib.

Bu zaman Vuçiç qeyd edib ki, Rusiyanın Serbiyadan böyük dostu yoxdur və iki ölkənin yaxınlığı sual altiına alınmaz.
«Bu, siyasi strategiya və taktika məsələsidir. Özümüzün həyati əhəmiyyətli dövlət və milli maraqlarımızı təhlükə altına atmaq hüququmuzun olmadığını nəzərdə tutur» – Vuçiç əlavə edib.
O, iyun ayında Fransanın «Le Monde» nəşrinə verdiyi müsahibəsini belə şərh edib. Həmin müsahibədə Serbiya prezidenti Kırımın statusu məsələsinə də toxunmuşdu.

Qeyd edək ki, Kosva Şərqi Avropada müstəqilliyi mübahisə doğuran ölkədir. Ərazidəki alban çoxluğu Kosovo Respublikası adlı dövlətin müstəqilliyinin bütün dünya tərəfindən diplomatik tanınmasına cəhd edir. Serbiya bölgənin Serbiyanın daxilində olanKosovo və Metoxiya muxtar vilayəti kimi tanıyır. Hazırda Kosovonun müstəqilliyini 111 ölkə tanıyıb. Azərbaycan Respublikası Kosovanın müstəqilliyini tanımamışdır.(azpolitika)