AZ
RU
Ərdoğan ABŞ-a meydan oxudu:“Heç kim bizdən inciməsin”
ABŞ-ın Tehrana münasibətdə tətbiq etdiyi sanksiyalara və Vaşinqtonun İranla biznesi davam etdirən ölkələri təhdid etməsinə rəğmən, Türkiyə İrandan təbii qaz almağa davam edəcək.
Yenixeber.org: BMT Baş Assambleyasının 73-cü sessiyası çərçivəsində Nyu-Yorkdakı iclaslara qatılan Türkiyə prezidenti Rəcəb Tayyip Ərdoğan “Reuters”ə eksklüziv müsahibəsində belə deyib.
“Realist olmalıyıq. Mən qışda əhalinin donmasına imkan verməliyəm ki? Bu qərarımıza görə heç kəs bizdən inciməməlidir. Əgər İrandan təbii qaz idxalını dayandırsaq, xalqımın evlərini necə isidə bilərəm?”, – deyə Ərdoğan bəyan edib.
O, həmçinin, Vaşinqtonla Ankara arasında münasibətlərin daha da gərginləşməsinə səbəb olan Türkiyədə həbs edilmiş amerikalı keşiş Endryu Branson məsələsinə də toxunub. Ərdoğan vurğulayıb ki, Bransonun taleyini siyasətçilər yox, Türkiyə məhkəməsi həll etməlidir.
Xatırladaq ki, amerikalı keşiş Endryu Branson hazırda Türkiyədə ev dustağıdır. O, Türkiyədə terroru dəstəkləməkdə, həmçinin FETÖ və PKK terror təşkilatları ilə əməkdaşlıqda ittiham olunur və 35 il azadlıqdan məhrumetmə cəzası ala bilər. Vaşinqton onun azadlığa buraxılmasını tələb etsə də, Ankara keşişin həbsinin qanuni olduğu və kifayət qədər dəlillərə əsaslandığını bildirir. Lakin avqustun 1-də ABŞ Maliyyə Nazirliyi Türkiyənin ədliyyə naziri Əbdülhəmid Gül və daxili işlər naziri Süleyman Soylunu insan hüquqlarını kobud şəkildə pozmaqda günahlandıraraq onlara qarşı sanksiya tətbiq edilməsinə dair qərar qəbul edib. Vaşinqtonun bu addımı ikitərəfli münasibətlərdə gərginliyi daha da artırıb.
Avqustun 10-da isə ABŞ prezidenti Donald Tramp Türkiyədən idxal olunan polad və alüminiuma ikiqat ticarət tarifinin tətbiqi barədə qərar verib. Türkiyədən alınan alüminiuma 20%, polada isə 50% gömrük rüsümu tətbiq olunacaq. Trampın bu qərarı ilə türk lirəsi dollar qarşısında rekord tarixi enişini yaşayıb. Ümumilikdə, bu il ərzində lirə dollara nisbətdə 40 faiz ucuzlaşıb.
O, həmçinin, Vaşinqtonla Ankara arasında münasibətlərin daha da gərginləşməsinə səbəb olan Türkiyədə həbs edilmiş amerikalı keşiş Endryu Branson məsələsinə də toxunub. Ərdoğan vurğulayıb ki, Bransonun taleyini siyasətçilər yox, Türkiyə məhkəməsi həll etməlidir.
Xatırladaq ki, amerikalı keşiş Endryu Branson hazırda Türkiyədə ev dustağıdır. O, Türkiyədə terroru dəstəkləməkdə, həmçinin FETÖ və PKK terror təşkilatları ilə əməkdaşlıqda ittiham olunur və 35 il azadlıqdan məhrumetmə cəzası ala bilər. Vaşinqton onun azadlığa buraxılmasını tələb etsə də, Ankara keşişin həbsinin qanuni olduğu və kifayət qədər dəlillərə əsaslandığını bildirir. Lakin avqustun 1-də ABŞ Maliyyə Nazirliyi Türkiyənin ədliyyə naziri Əbdülhəmid Gül və daxili işlər naziri Süleyman Soylunu insan hüquqlarını kobud şəkildə pozmaqda günahlandıraraq onlara qarşı sanksiya tətbiq edilməsinə dair qərar qəbul edib. Vaşinqtonun bu addımı ikitərəfli münasibətlərdə gərginliyi daha da artırıb.
Avqustun 10-da isə ABŞ prezidenti Donald Tramp Türkiyədən idxal olunan polad və alüminiuma ikiqat ticarət tarifinin tətbiqi barədə qərar verib. Türkiyədən alınan alüminiuma 20%, polada isə 50% gömrük rüsümu tətbiq olunacaq. Trampın bu qərarı ilə türk lirəsi dollar qarşısında rekord tarixi enişini yaşayıb. Ümumilikdə, bu il ərzində lirə dollara nisbətdə 40 faiz ucuzlaşıb.
