AZ
RU
.png)
Ərdoğandan ABŞ-a xəbərdarlıq:"Türkiyə kimi yaxın müttəfiqini itirə bilər!"
Türkiyə prezidenti Rəcəb Tayyib Ərdoğan bildirib ki, ABŞ-ın sanksiyalarla bağlı təhdidlərinə baxmayaraq, rəsmi Ankara amerikalı rahib Endryu Bransonla bağlı mövqeyini dəyişməyəcək.
Yenixeber.org: Bu barədə “Habertürk” qəzeti məlumat yayıb.
“Məncə bu, psixoloji müharibədir. Biz sanksiyalar qarşısında geri çəkilməyəcəyik. Branson məsələsində sövdələşməmişik”, – deyə Türkiyə lideri bildirib.
Ərdoğan əlavə edib ki, ABŞ Türkiyə kimi yaxın müttəfiqini itirə biləcəyini unutmamalıdır.
Qeyd edək ki, amerikalı rahib FETÖ ilə əməkdaşlıqda, həmçinin PKK terror təşkilatına dəstək verməkdə ittiham olunaraq 2016-cı ilin oktyabrında həbs edilib.
