"ABŞ-ın Cənubi Koreya ilə birgə həyata keçirdiyi hərbi təlimlərə son vermək kimi bir planı yoxdur".

Yenixeber.org: Bu barədə Amerikanın müdafiə naziri Ceyms Mattis deyib.

Pentaqonda mətbuata açıqlama verən nazir Seul ilə əməkdaşlıqlarının davam edəcəyini qeyd edib.

Şimali Koreya ilə yeridilən diplomatik prosesin yavaşladığına diqqət çəkən Mattis hələlik 2019-cu il üçün hərbi təlim planlaşdırmadıqlarını, ancaq qısa müddət ərzində yekun qərara gələcəklərini söyləyib.

Qeyd edək ki, iyun ayında Şimali Koreya lideri Kim Çen In ilə Sinqapurda görüşən ABŞ prezidenti Donald Tramp zirvədən sonra verdiyi açıqlamada Şimali Koreya ilə müzakirələr davam edərkən Cənubi Koreya ilə ortaq hərbi təlimləri dayandıracaqlarını söyləmişdi.

Cənubi Koreyada 32 000 ABŞ əsgərinin olduğunu xatırladan Tramp zirvədən sonrakı müddətdə müzakirələrin olduğu kimi davam etmədiyini görənə qədər savaş oyunlarını dayandıracaqlarını və buna görə böyük miqdarda maliyyəyə qənaət edəcəklərini bildirmişdi.(publika)

Zümrüd