Onun dediklərindən aydın olub ki, Ermənistan avroatlantik əməkdaşlığa qoşulmaq istəyərdi. Lakin bu, kifayət qədər vaxt tələb edən prosesdir. Bu mənada, Mnaçakanyan təhlükəsizliyi təmin edən üçüncü tərəf - Rusiya olmasa, Ermənistanın Azərbayan və Türkiyənin gücü qarşısında aciz qalacağını etiraf edib.

“Bu gün Ermənistanın təhlükəsizliyini Rusiya təmin edir. Bu cür köməyi göstərməyə hazır olan başqası varmı? NATO-nun üzvü olmaq istəyən ölkələrə (Gürcüstan və Ukrayna) baxın. Onlar 10 ildir ki, növbədə dayanıblar. Amma biz təhlükəsizlik vakuumunda (boşluq) hətta 10 dəqiqə belə qalmağı gözə ala bilmərik. Azərbaycan və Türkiyə 27 ildir ki, Ermənistanı blokadada saxlayırlar. Bu, bizim təhlükəsizliyimiz üçün həyati təhdidlər yaradır", - deyə Ermənistan xarici işlər naziri vuğulayıb.

Qeyd edək ki, erməni və rus mediasında baş nazir Nikol Paşinyanın rus qoşunlarını Ermənistan-Türkiyə sərhəddindən çıxaracağı və ölkə sərhədlərinə nəzarəti daxili qoşunlara həvalə edəcəyi ilə bağlı məlumatlar yayılıb.