AZ
RU
Erməni politoloqdan Soçi görüşü barədə maraqlı açıqlama
Ermənistanlı politoloq Armen Xanbayan Azərbaycan və Ermənistan prezidentlərinin Soçi görüşünə münasibət bildirib.
"Xeberinfo.com" Ermənistan mətbuatına istinadən xəbər verir ki, politoloq görüşü Ermənistan üçün fürsət itkisi adlandırıb.
Erməni politoloq deyib ki, hazırda danışıqlar masasında ATƏT-in Minsk qrupunun hazırladığı sənədlər var: "Bu sənədlər Madrid görüşü zamanı razılaşdırılıb və həyata keçirilməsi müşkül məsələyə çevrilib. Sənədə əsasən, Dağlıq Qarabağ ətrafında olan 6 rayon boşaldılmalıdır. Bu hal baş verdikdən sonra Ermənistan irəliyə doğru iri addım atmış olacaq, daha sonra isə Azərbaycan tərəfi də bu addıma cavab verəcək. Yəni hazırda sənəd hazırlanıb və Ermənstan buna əməl edəcəyi halda, tərəflər arasında razılaşmalar mütləq olacaq”.
Politoloqun sözlərinə görə, Soçi görüşündən öncə cəmiyyətdə 5 rayon barədə razılığn olmasına dair fikirlər yayılmışdı: "Prezidentlər Soçiyə gedəndə biz tərəflərin 5 rayon barədə razılğa gəldiyini proqnozlaşdırmışdıq və müzakirələrin bu yöndə gedəcəyinə dair məlumatlı idik. Lakin təəsüflər olsun ki, Ermənistan növbəti dəfə fürsəti qaçırdı”.
.jpg)
