“Erməni tərəfi Füzuli istiqamətində təşkil etdiyi kəşfiyyat-diversiya əməliyyatı zamanı verdiyi itkiləri gizlədir”. 

"Xeberinfo.az": Bu barədə Müdafiə Nazirliyinin Mətbuat Xidmətindən son günlər Ermənistan rəsmilərinin Füzuli hücumu ilə bağlı açıqlamalarında qeyd edilib. 

Mətbuat Xidməti rəsmi İrəvanın hər zaman olduğu kimi, bu dəfə də xalqını aldatdığını xüsusi vurğulayıb: 

“Erməni tərəfi növbəti dəfə öz ictimaiyyətini və kütləvi informasiya vasitələrini yanlış istiqamətə yönəltməklə Ermənistan əhalisini çaşdırır. Azərbaycan Müdafiə Nazirliyi erməni kəşfiyyat-diversiya qrupunun cəbhənin Füzuli rayonu ərazisində müdafiənin ön xəttində yerləşən mövqelərimizdəki postlardan birinə növbəti dəfə basqın etməyə cəhd göstərməsini, hücumun qarşısının alınması zamanı şəhid olmuş və yaralanmış hərbçilərin rütbələri, adları, soyadları göstərilməklə dərhal ictimaiyyətə ətraflı məlumat verdi. Ermənistan tərəfi isə əvvəlcə insident haqqında məlumatı gizlətdi, sonra yalnız bir nəfər yefreytorunun ölməsini dedi və yaralılar barədə heç bir açıqlama vermədi. Daha sonra isə yaralıların da olduğunu bildirdi. Yalnız hadisədən 2 gün keçdikdən sonra İrəvanda yerləşən hərbi hospitalın rəisi Aram Asaturyan Füzulu əməliyyatı zaman yaralanmış 4 əsgərin müalicə oldunduğunu, onlardan ikisinin vəziyyətinin ağır olduğunu dedi. Amma o 4 nəfərin nə rütbəsi, nə də ad-soyad göstərildi”. 

Nazirlik həmçinin ermənilərin 4 yaralı kimi təqdim etdikləri o “əsgərlər”in əslində xüsusi hazırlıq keçmiş Ermənistan Silahlı Qüvvələrinin nümayəndələri olduğunu qeyd edib: 

“Bizim məlumatımıza görə, ermənilərin 4 yaralı kimi təqdim etdikləri o “əsgərlər” əslində, xüsusi hazırlıq keçmiş Ermənistan Silahlı Qüvvələrinin nümayəndələridir. Onların cidd-cəhdlər gizlədilməsinin səbəbi də budur. 

İkinci tərəfdən, bizə onların son kəşfiyyat-diversiya əməliyyatında nə qədər itki verdikləri yaxşı məlumdur. Amma özləri açıqlamırlar və bununla da düşdükləri psixoloji gərginliyi ört-basdır etməklə, erməni xalqını aldatmaqla məşğuldurlar. 

Biz isə yalnız onu açıqlaya bilərik ki, son əməliyyat zamanı Ermənistan Silahlı Qüvvələri ciddi itki verib”. 

Qeyd edək ki, mayın 28-də erməni hərbi birləşmələri Füzuli istiqamətində diversiya kəşfiyyat qrupu keçirməyə cəhd etmişdilər. Bu cəhdin ordumuz tərəfindən qarşısının alınması zamanı bir zabit və gizirimiz şəhid olmuşdu. Bir nəfər əsgərimiz isə yaralanmışdı. 

Erməni tərəfi yalnız bir əsgərinin öldüyünü desə də, sonradan 4 əsgərinin də yaralandığını və İrəvandakı hərbi hospitalda yerləşdirilmələri haqda informasiya yaydı.