Xeberinfo.com:   Barak Obama ölkə başçısı postunda xaricə son səfər turnesi çərçivəsində Almaniyada olub. O, Ukraynadakı situasiyaya görə anti-Rusiya sanksiyalarının uzadılması barədə Avropa liderləri ilə razılığa gəlib. Kreml də öz növbəsində vurğulayıb ki, sanksiyalar Rusiyanın qərb partnyorları ilə dialoq qurmasına mane olmur.

“Minsk razılaşması yerinə yetirilməyənə qədər sanksiyaların uzadılması vacibdir” – Obama bəyan edib. O, həmçinin qeyd edib ki, “dünya problemlərini həll etmək üçün Rusiya ilə əməkdaşlıq etmək bizim maraqlarımız çərçivəsindədir”.

Berlin görüşündə Obamadan başqa Almaniya kansleri Angela Merkel, Britaniya baş naziri Tereza Mey, Fransa prezidenti Fransua Holland, İspaniyanın baş naziri Mariano Rahoy və İtaliya baş naziri Matteo Renzi iştirak edib.

Ağ Evdən qeyd ediblər ki, Ukrayna konfliktinin həllinə dair Rusiya hökuməti öhdəliklərini yerinə yetirməyənə qədər Rusiyaya qarşı sanksiyaların saxlanılması barədə ABŞ və Avropa ölkələrinin liderləri razılığa gəliblər.

Angela Merkel bəyan edib ki, Minsk razılaşmasının icra olunmasında yetərli proqres yoxdur deyə sanksiyaların ləğv edilməsindən söhbət gedə bilməz.