AZ
RU
Azərbaycan prezidenti İrana dəvət olundu
İran İslam Respublikasının Azərbaycandakı səfiri Möhsün Pak Ayin Azərbaycan prezidenti İlham Əliyevlə görüşüb.
"xeberinfo.com": İranın Azərbaycandakı səfirliyinin mətbuat xidmətindən əldə etdiyimiz məlumata görə, səfir İ. Əliyevin İrana səfər etməsi barədə prezident Həsən Ruhaninin dəvətini çatdırıb.
Öz növbəsində, İ. Əliyev H. Ruhaninin dəvətini müsbət qarşılayaraq, əlavə edib ki, İsveçrənin Davos şəhərində prezident H. Ruhani ilə görüşdən sonra iki ölkə arasında əlaqələrdə yeni dövr açılıb.
Dövlət başçısı vurğulayıb ki, Azərbaycan bütün sahələrdə İranla əməkdaşlığa hazırdır.
Görüşdə tərəflər iki ölkəni maraqlandıran məsələlər ətrafında da fikir mübadiləsi aparıblar.
.jpg)
