AZ
RU
“Seçki günü təhlükəsizlik tam təmin ediləcək”
Noyabrın 1-də Milli Məclisə keçiriləcək seçkilərdə təhlükəsizlik tam təmin ediləcək.
"Xeberinfo.com": Məlumata görə, bunu Mərkəzi Seçki Komisisiyasının (MSK) sədri Məzahir Pənahov qurumun bu gün keçirilən iclasında deyib. O, bildirib ki, hüquq-mühafizə orqanları seçki prosesinin sıxlıq olmadan həyata keçirilməsinə nəzarət edəcək: “Bizim də tələbimiz ondan ibarətdir ki, hər kəs qaunvericiliyin tələblərini yerinə yetirsin”.
Məzahir Pənahov qeyd edib ki, seçki bülletenlərinin çapı sabah başa çatır: "Seçki bülletenləri oktyabrın 22-dən başlayaraq seçki dairələrinə paylanılacaq. Yerlərdə bülletenlərin saxlanılması üçün problem yoxdur. Bülletenlər səsvermə gününə qədər seçki məntəqələrinə paylanılmalıdır. Seçki bülletenlərinin paylanması ilə əlaqədar təhlükəsizlik tam təmin edilib”.
