AZ
RU
317 nəfərin namizədliyi qeydə alınıb
“Milli Məclisə seçkilərdə iştirak etmək üçün indiyədək seçki dairələrinə 1 560 nəfər müraciət edib. Onlardan 560-ü siyasi partiyalar, 60-ı “Azadlıq-2015” seçki bloku, 3-ü təşəbbüs qrupu tərəfindən, 937 nəfər isə öz təşəbbüsü ilə namizədliyini irəli sürüb. 1 461 nəfərin namizədliyinin irəli sürülməsi təsdiq edilib”.
"Xeberinfo.com": Məlumata görə, bunu Mərkəzi Seçki Komissiyasının (MSK) sədri Məzahir Pənahov deyib.
O bildirib ki, deputatlığa namizədliyini irəli sürənlərdən 1 352 nəfər imza vərəqəsi alıb: “521 nəfər artıq imza vərəqələrini qaytarıb. Onların 317-si deputatlığa namizədliyi qeydə alınıb”.
M.Pənahovun sözlərinə görə, indiyədək 108 müşahidəçi qeydiyyatdan keçib. Onlardan 10-u qeyri-hökumət təşkilatları, 97-si öz təşəbbüsü, biri isə xüsusi icazə əsasında qeydə alınıb.
Qeyd edək ki, Azərbaycanda parlament seçkiləri bu ilin noyabın 1-də keçiriləcək.
“Report”
.jpg)
