AZ
RU
"Yeni həmməruzəçi ölkəmizə münasibətdə obyektiv mövqe numayiş etdirəcək"
"Ümid edirik ki, Agustin Konde fəaliyyəti dövründə ölkəmizə münasibətdə obyektiv mövqe numayiş etdirəcək".
"Xeberinfo.com": Məlumata görə, bunu Trend-ə Azərbaycanın AŞ PA-da nümayəndə heyətinin sədri Səməd Seyidov Avropa Şurası Parlament Assambleyasıın (AŞ PA) yay plenar sessiyasının dördüncü iş günündə qurumun Monitorinq Komitəsinin iclasında ispaniyalı Agustin Condenin (Augustin Conde) Azərbaycan üzrə yeni həmməruzəçi seçilməsinə münasibət bildirərkən deyib.
S.Seyidovun sözlərinə görə, yeni həmməruzəçinin şəxsiyyəti, onunla gələcək əməkdaşlığa dair hər hansı bir fikir söyləmək hələ tezdir: "Yeni həmməruzəçi hesabat hazırlamaq məqsədilə Azərbaycana səfər edəcək, ölkəmizlə tanış olacaq. Bundan sonra onun şəxsiyyəti və fəaliyyəti ilə bağlı fikir yürütmək olar".
Qeyd edək ki, A.Konde bu vəzifədə digər ispaniyalı həmməruzəçi Pedro Aqramuntu əvəz edib. 2009-cü ildən AŞ PA-nın üzvü olan A.Konde AŞ PA-da Avropa Xalq Partiyası siyasi qrupuna daxildir O, qurumun Monitorinq və Hüquqi Məsələləri və İnsan Haqları Komitələrinin üzvüdür.
