Redaktor seçimi
“Kitab döyüşü”: İran necə tələyə düşdü-
Ülvi Quliyevin DÖVLƏTƏ ŞƏRİK MİLYONLARI... - "Daha əvvəlki vaxt deyil..."/
Səfər Mehdiyevin Avstriya və Sloveniyada milyonluq otelləri aşkarlandı —
Qumla London arasındakı Bakı- 
"Sumqayıt-Sərnişin" ASC-də  gəlir hara gedir?!-
Anar Kərimovun nazirlikdəki “Kurtlar vadisi” – Korrupsiyada ittiham edilən, 40 yaşında rejissor olan, “kseroks” aparatı işlədən –
Abel Məhərrəmovun biznes imperiyası və xanımlara milyonluq hədiyyələri-
Ərdoğanın Putin "kartı"-
Günün xəbəri

PUTİN PAŞİNYANA ÖHDƏLİKLƏRİNİ XATIRLATDI -"Biri-birindən şübhələnirlər..."

Avropa İttifaqı Şurasının prezidenti Şarl Mişelin vasitəçiliyi ilə Azərbaycan və Ermənistan liderlərinin dekabrın 15-də görüşəcəyi xəbəri yayıldıqdan sonra Rusiya prezidenti Vladimir Putinlə Ermənistanın baş naziri Nikol Paşinyan arasında telefon danışığı olub.

Yenixeber.org: Kremlin mətbuat xidmətindən yayımlanan məlumatda bildirilib ki, Putin və Paşinyan 2020-ci ilin 10 noyabr və 2021-ci ilin 11 yanvar tarixlərində imzalanmış üçtərəfli bəyanatların yerinə yetirilməsi kontekstində regiondakı vəziyyətin və onun sabitləşdirilməsi üçün görülən tədbirlərin müzakirəsini davam etdiriblər. Bundan başqa Paşinyan Rusiyanın fəal vasitəçilik səylərinə görə Kreml sahibinə minnətdarlığını bildirib.

Maraqlıdır, Putinin Paşinyana zəngi və ona 10 noyabr, 11 yanvar razılaşmalarını xatırlatması, Brüsseldə keçiriləcək görüşdən əvvəl hansı mesajları verir?

Politoloq Elxan Şahinoğlu xatırladır ki, bu, Putinlə Paşinyan arasında həftə ərzində sayca ikinci telefon danışığıdır.

"Hiss olunur ki, Putinin və Paşinyanın bir-birlərindən şübhələnmələri üçün əsasları var. Paşinyan Azərbaycan-Ermənistan sərhədinin müəyyənləşdirilməsi və Zəngəzur dəhlizinin açılması məqsədilə Putinin yanaşmasından, Putin isə Paşinyanın Brüsselin vasitəçiliyi ilə gerçəkləşəcək danışıqlarda ortaya qoyacağı mövqedən narahatdır. Kreml Bakı ilə İrəvan arasında həyata keçirdiyi təkbaşına vasitəçiliyi rəqibi Brüsselə bölüşmək istəmir",- ekspert qeyd edib.

Xatırladaq ki, Vladimir Putin Nikol Paşinyanla İlham Əliyevi Brüsseldən əvvəl noyabrın birinci ongünlüyündə Moskvada görüşdürmək istəyirdi. Paşinyan qeyri-rəsmi kanallarla görüşdən imtina etdiyini Moskvaya bildirdi.

E. Şahinoğlunun sözlərinə görə, Kremldə belə bir sual yarana bilər ki, Paşinyan Zəngəzur dəhlizinin açılmasına və sərhədlərin müəyyənləşməsinə hazır olmaması səbəbindən Moskvadakı görüşü təxirə saldısa, İlham Əliyevlə Brüsseldə görüşməyə niyə razılığını verib?

"Bu sualın cavabını Brüsseldəki görüş başa çatandan sonra müəyyənləşdirmək mümkün olacaq",-politoloq vurğulayıb.


Facebook-da paylaş

Yeni xəbərlər

Reklam

Reklam