Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

Gürcüstanda azərbaycanlıların yaşadığı- 4 kənddə su yoxdur

 

Gürcüstanın azərbaycanlıların yığcam yaşadıqları Marneuli rayonunda 4 kəndinin sakinləri bir neçə aydır içməli su problemindən əziyyət çəkirlər.

Yenixeber.org:  Bunu  “Qeyrət” Xalq Hərəkatının rəhbəri Əlibala Əsgər bildirib. 

Onun sözlərinə görə, Dəmyə-Gorarxı, Kirovka, Axlılələ və Yuxarı Saral kəndləri içməli su ilə təmin olunmur: “Bu kəndlərin içməli su ilə təminatı üçün 1,3 milyon lari vəsait xərclənib. Lakin susuzluq problemi hələ də qalmaqdadır. Kranlardan hava gəlir. Sakinlər məcbur qalıb bulaq və kanal suyundan istifadə edirlər”.

Ə.Əsgər qeyd edib ki, kənd sakinləri problemin qısa müddət ərzində aradan qaldırılmayacağı təqdirdə etiraz aksiyası keçirmək niyyətindədir.

Məsələyə münasibət bildirən hakim Gürcü Arzusu Partiyasının Maneulidən olan deputatı Ruslan Hacıyev  açıqlamasında adıçəkilən kəndlərdə içməli su ilə bağlı problemin olmadığını söyləyib: “Dəmyə-Gorarxı ərazi vahidliyində içməli su problemi yoxdur. Yay aylarında suya olan tələbat artıdığından, ola bilsin ki, hansısa evlərdə su gəlməsin. Həmin ərazidə qəbirstanlıqda su problemi var idi və ora da su çəkildi. Əgər içməli su ilə bağlı hər hansı bir narahatlıq yaşanırsa, yerli bələdiyyə onu həll etməyə hazırdır və biz də onların yanındayıq”.

Deputatın sözlərinə görə, Marneulidə içməli su ilə bağlı əsas problem Algeti ərazi vahidliyinə daxil olan kəndlərdə mövcuddur: “Problemin aradan qaldırılması üçün hökumət 4 milyon laridən çox vəsait ayırıb və yaxın zamanda su təminatı məsələsi həllini tapmalıdır”. 


Facebook-da paylaş

Yeni xəbərlər

Reklam

Reklam