Bunu Respublika Gigiyena və Epidemiologiya Mərkəzinin Baş direktorun təşkili məsələləri üzrə müavini Ağaxanım Əliyeva deyib.  
Yenixeber.org: Götürülmüş su nümunələrinin laborator müayinələri zamanı bakterioloji göstəricilərə görə standartların tələblərindən kənara çıxma halları 3,7% olub: “Bakı əhalisini içməli su ilə təchiz edən Kür, Ceyranbatan, Oğuz-Qəbələ-Bakı, Şollar və Xaçmaz su təchizatı kəmərlərindən götürülən 75 su nümunəsində bakterioloji göstəricilər üzrə 2,6%, sanitariya-kimyəvi göstəriciləri üzrə 5,3% normalara uyğun olmayan nümunələr təkrar götürülən müayinələrdən sonra normalara uyğun olub. Mərkəzi su anbarları və nasos stansiyalarından götürülən 1264 su nümunəsinin 1,6%-i bakterioloji, 1,1%-i sanitariya-kimyəvi göstəricilərinə görə dövlət standartlarının tələblərinə cavab verməyib”.
Qurum təmsilçisi qeyd edib ki, qeyri-kafi nəticələrlə əlaqədar “Azərsu” ASC-nin mütəxəssisləri tərəfindən dövlət standartlarına uyğun olmayan nəticələr üzrə operativ tədbirlər görülüb və təkrar müayinələrin nəticələri norma səviyyəsində olub.

Qeyd edək ki, “Bu ilin 11 ayı ərzində 56 şəhər və rayondan götürülmüş 484 su nümunəsi fiziki-kimyəvi göstəricilərinə görə normaya uyğun olub”.(apa)