AZ
RU
.jpg)
“Moody’s”: Rusiyanı ağır günlər gözləyir
“Moody’s” beynəlxalq reytinq agentliyi Rusiya ÜDM-nin 2015-ci ildə 5,5 faiz aşağı düşəcəyini proqnozlaşdırıb.
"Xeberinfo.com": APA-nın “BBC”-yə istinadən verdiyi xəbərə görə, bundan əvvəl, yanvarın 9-da Fitch beynəlxalq reytinq agentliyi Rusiya ÜDM-nin 2015-ci ildə 4 faiz, inflyasiyanın isə 8,5 faiz səviyyəsində olacağın açıqlamışdı.
Bundan əvvəl Rusiya iqtisadi inkişaf naziri Aleksey Ulyukayev bəyan etmişdi ki, 2015-ci ildə neftin bir barelinin qiymətinin 45 dollar səviyyəsində qalacağı təqdirdə Rusiyanın ÜDM-i 4-5 faiz aşağı düşəcək.
Qeyd edək ki, Londonun ICE qitələrarası birjasında yanvarın 15-də “Brent” markalı neftin bir barelinin qiyməti 47,67 dollar təşkil edib.
Dünya Bankı Rusiyanın ÜDM-nin 2015-ci ildə 2,9 faiz aşağı düşəcəyini proqnozlaşdırıb.
