AZ
RU
Azərbaycan içki ixracını 48%-dən çox azaldıb
Bu ilin yanvar-aprel aylarında Azərbaycan 4,8 milyon ABŞ dolları dəyərində spirtli və spirtsiz içkilər, eləcə də spirt ixrac edib.
Yenixeber.org: Dövlət Gömrük Komitəsindən (DGK) verilən məlumata görə, bu, ötən ilin eyni dövrü ilə müqayisədə 4,5 milyon ABŞ dolları və yaxud 48,4% azdır.
Hesabat dövründə içki ixracı Azərbaycanın ümumi ixracının 0,1%-ni, qeyri-neft sektoru üzrə ixracının isə 0,9%-ni təşkil edib.
4 ay ərzində Azərbaycana idxal edilmiş spirtli və spirtsiz içkilərin, spirtin dəyəri isə 18,2 milyon ABŞ dolları təşkil edib. Bu isə bir il əvvələ nisbətən 1,1 milyon ABŞ dolları və yaxud 5,6% azdır.
Hesabat dövründə içki idxalı Azərbaycanın ümumi idxalının 0,5%-ni təşkil edib.
Xatırladaq ki, yanvar-apreldə Azərbaycanın xarici ticarət dövriyyəsinin dəyəri 9,7 milyard ABŞ dolları olub ki, onun da 6,3 milyard ABŞ dolları ixracın, 3,4 milyard ABŞ dolları isə idxalın payına düşüb.
.jpg)
