“Mənə verilən məlumata görə, 2014-cü ili dekabr ayının 30-da 6-ya yaxın bank məcmu kapitalını 50 milyon manata çatdıra bilməmişdi. Bugünkü vəziyyətin necə olduğunu deyə bilmərəm. Çox güman ki, həmin banklar ya bağlanacaq, ya da başqa banklarla birləşdiriləcək. Amma həmin banklarla bağlı son qərar hələ verilməyib”.

"Xeberinfo.com":  Məlumata görə, bu barədə Milli Məclisin İqtisadi siyasət komitəsinin üzvü Vahid Əhmədov məlumat verib.

O, qeyd edib ki, 2014-cü il yanvarın 1-dən etibarən qüvvəyə minməsi nəzərdə tutulan qanunun tətbiqi o zaman Mərkəzi Bankın qərarı ilə təxirə salımndı, sonradan bu, 2015-ci il yanvar ayının 1-i olaraq müəyyənləşdirildi.

Modern.az-ın əldə  etdiyi məlumata görə, bağlanacaq banklar bunlar ola bilər:

“EuroBank” – məcmu kapitalı 7,5 milyon manat

“Naxçıvan Bank” – məcmu kapitalı 42 milyon manat

“Bank Avrasiya” – məcmu kapitalı 22 milyon manat

“Azərbaycan Kredit Bankı” – məcmu kapitalı 5,8 milyon manat

Siyahıda adı olan “Atra Bank”ın isə məcmu kapitalının 50 milyon manata yaxınlaşdığı bildirilir.

Digər bir bankla birləşəcəyi gözlənilən “Azər-Türk Bank”ın məcmu kapitalı 44 milyon manatdır.

Modern.az bağlanma təhlükəsi olan digər banklarla da əlaqə saxlayıb və onlardan 2014-cü ilin dekabr ayının sonuna olan nizamnamə kapitalının miqdarını öyrənib:

“Dekabank”ın əməkdaşı nizamnamə kapitlının 52 milyon manat olduğunu bildirib;

“Yunayted Kredit Bank”nın nümayəndəsinin verdiyi açıqlamada nizamnamə kapitalının ümumi həcminin 50 milyon 508 min manat olduğu bildirilib;

“BankAvrasiya”nın əməkdaşı hər vəchlə sualımızı cavablandırmaqdan yayınıb. “Sualı rəsmi blankda bizim e-mail ünvanımıza göndərin, rəsmilər cavablandırar” desələr də, sualımızı cavablandıran olmayıb. Bu səbəbdən belə qənaətə gəlmək olar ki, adıçəkilən bank tələb olunan nizamnamə kapitalını toplaya bilməyib. Əks halda açıq şəkildə digər banklar kimi hansısa rəqəm deyə bilərdilər;

Həmin bankla eyni taleni yaşayan “Azər-Türk Bank”da da sualdan yayınıblar;

“Parabank”ın əməkdaşı məcmu kapitalın 51 milyon manata çatdırıldığını qeyd edib;

“Günaybank” rəsmisi bu günə olan rəsmi məluamata əsasən bankın nizamnamə kapitalının 64 milyon 910 min 93 manat təşkil etdiyini söyləyib.