AZ
RU
Avrasiya İttifaqı dollardan imtina edir
Avrasiya İqtisadi İttifaqının üzv dövlətləri – Rusiya, Qazaxıstan, Belorus və Ermənistan dollar və avrodan imtina etmək niyyətindədirlər.
"Xeberinfo.com": Bu barədə Rusiyanın “İzvestiya” qəzeti məlumat yayıb.
Qəzet yazır ki, təşkilata üzv dövlətlərin milli valyutaya keçidi (rus və belorus rublu, tenge və dram) 2025-2030-cu illərdə baş tuta bilər.
Qeyd edək ki, 2014-cü ilin mayın 29-da Belorus, Rusiya və Qazaxıstan prezidentləri Avrasiya İqtisadi Birliyi barədə razılaşma imzalayıblar. Oktyabrda Ermənistan həmin təşkilata üzv oldu. Təşkilatın yaradılması ilə bağlı razılaşma 2015-ci ilin yanvarın 1-dən qüvvəyə minəcək.
Avrasiya İqtisadi Komissiyasının məlumatına görə, 2013-cü ildə üzv ölkələr arasında mal dövriyyəsi 64 milyard dollar təşkil edib. Bunun 50 faizi rubl, 40 faizi dollar, 9 faizi avro və təxminən 1 faizi isə digər valyutalarla həyata keçirilib.
.jpg)
