AZ
RU
“Neftin qiymətinin aşağı düşməsi dünya siyasətidir”
“Neftin bir barelinin qiyməti 70-80 dollara kimi düşə bilər”
"Xeberinfo.com": AzNews.az xəbər verir ki, bu fikirləri Milli Məclisdə 2015-ci il büdcə layihəsinin müzakirə zamanı parlamentin İqtisadi-Siyasət Komitəsinin sədri Ziyad Səmədzadə deyib.
Onun sözlərinə görə, bu, dünya siyasətidir.
“Neftin qiymətinin 90 dollara düşməsi büdcədə bizə 2 milyard zərər verəcək. Buna bizim müdaxiləmiz qeyri-mümkündür. Siz yaxşı bilirsiniz ki, hansı təlatümlər səbəbindən neftin qiyməti aşağı düşür.Amma Azərbaycan dövlətinin uğurlu siyasəti nəticəsində heç bir sosial proqram neftin qiymətinin aşağı düşməsi ilə əlaqədar yarımçıq qalmır. Onlar hamısı fəaliyyətini davam etdirir. Ulu öndər Heydər Əliyevin dahiliyi o idi ki, Dövlət Neft Fondunu yaratdı və vəsaitlər həmin fondda toplandı. Hazırda Azərbaycan Valyuta Fondunun vəsaiti 55 milyardı ötür. İndi 2 və 3 milyard Azərbaycanın büdcəsinə heç bir təsir göstərmir. Əgər təsir edərsə, bizim kifayət qədər imkanımız var ki, bu təsiri aradan qaldıraq. Azərbaycan dövlətinin apardığı siyasətin nəticəsidir ki, büdcə xərcləri 20 milyardı ötüb. Vaxt var idi ki, Azərbaycanın dövlət büdcəsi ilə heç bir irimiqyaslı layihə həyata keçirmək mümkün deyildi”, - Ziyad Səmədzadə əlavə edib.
