2016-cı ilin yanvar-aprel aylarında Azərbaycan İpoteka Fondunun (AİF) vəsaitləri hesabına 1,1 milyon manat kredit verilib.
Xeberinfo.com:   Mərkəzi Bankın məlumatında belə deyilir.
Məlumata görə, ipoteka kreditləşməsinin həcmində kəskin azalma var. Hazırkı göstərici ötən ilin eyni dövrünündən 31,7 dəfə azdır.
Mərkəzi Bank qeyd edir ki, AİF yanvar-apreldə 21,6 milyon manat krediti təkrar maliyyələşdirib. Bu müddətdə fond dövlət büdcəsindən sosial ipotekadan ötrü 14,5 milyon manat alıb.
2015-ci ildə 97 milyon 273 min, 2014-cü ildə isə 99 milyon 927 min manat ipoteka krediti verilib.
AİF 2005-ci ilin dekabr ayında yaradılıb və 2006-cı ilin martında ipoteka kreditlərinin verilməsinə başlayıb. Azərbaycanda sosial ipotekanın verilməsinə 2007-ci ildən başlanılıb və 6 ay davam edib. İpoteka kreditləri Azərbaycan vətəndaşlarına 50 min manata qədər, 25 ilədək , illik 8 faizdən çox olmamaqla verilir.
Güzəştli kreditlər 50 min manatadək, 30 ilə qədər, illik 4 faizədək verilir.
Bu il prezidentin fərmanı ilə ipoteka kreditləşməsinə 200 milyon manat ayrılıb.