Azərbaycanın kommersiya bankları vətəndaşlara dollar satışını dünəndən dayandırıb.

Xeberinfo.com:   Alıcıların verdiyi məlumata görə, dünə və bu gün bankların bir çox filiallarına getsələr də onlara dolların olmadığı bildirilir.
Rayonlarda vəziyyət daha pisdir. Rayonlarda bazarlarda belə dollar tapmaq müşkülə çevrilib.
Qeyd edək ki, Mərkəzi Bankın yeni tələbinə görə, 500 dollardan artıq məbləğ şəxsiyyət vəsiqəsilə satılmalıdır. Bu məhdudiyyətə baxmayaraq əhaliyə 1 dollar belə satılmır.
Əhali yaranmış vəziyyətdən narazılığını bildirir. Həmçinin, əhali Mərkəzi Bankın açıqladığı məzənnə ilə bankların məzənnəsinin kıskin fərqlənməsinə irad tuturlar.
Qeyd edək ki, Azərbaycan Mərkəzi Bankının dollar ehtiyatları kəskin azalıb. Bank ehtiyatlarını qorumaq üçün hərracda banklara dollar satışını dəfələrlə azaldıb. Mərkəzi Bankın valyuta ehtiyatlarının 5 milyard dollardan da aşağı düşdüyü bildirilir.
Paytaxt Bakıda, Səməd Vurğun bağının yaxınlığındakı valyuta-dəyişmə məntəqələrində 1 dollar 1,70 manatdan alınır, 1,78 manata satılır.