AZ
RU
Mərkəzi Bankdan kredit açıqlaması
Banklara manatla kreditlərin verilməsinin qadağan edən göstəriş verilməyib
"Son günlərdə bəzi kütləvi informasiya vasitələrində Azərbaycan Respublikası Mərkəzi Bankı tərəfindən banklara manatla kreditlərin verilməsinin qadağan olunması ilə bağlı həqiqətə uyğun olmayan və yanlış məlumatlar verilməkdədir".
"Xeberinfo.com": Məlumata görə, bu barədə Mərkəzi Bankın Beynəlxalq əməkdaşlıq və kommunikasiya departamentindən verilən məlumatda bildirilib.
Azərbaycan Respublikası Mərkəzi Bankı bildirir ki, banklara manatla kreditlərin verilməsinin qadağan edilməsi ilə bağlı hər hansı bir göstəriş verilməyib.
Azərbaycan Respublikasında fəaliyyət göstərən banklar qanunvericiliyə uyğun olaraq kreditlərin hansı valyutada verilməsini müəyyən etməkdə sərbəstdirlər.
Hazırda banklar həm manat, həm də xarici valyutada kreditləşməni davam etdirirlər.(ans press)
