AZ
RU
.jpg)
Türkiyə TANAP-dakı hissələrini satmağa hazırdır
Taner Yıldız: “Sərfəli təklif olsa, SOCAR da, biz də TANAP-dakı hissələrimizi sata bilərik”
"Xeberinfo.com": Türkiyənin energetika naziri Taner Yıldız bu gün jurnalistlərlə söhbətində İranın TANAP qaz kəmərində paya malik olmağa maraq göstərməsinə münasibət bildirib.
Virtualaz.org saytı “Habertürk”ə istinadən xəbər verir ki, nazir SOCAR prezidenti Rövnəq Abdullayevin İranın TANAP-dan pay almaq istədiyinə dair açıqlamasını şərh edərkən deyib: “Sərfəli kommersiya şərtlərinin yaranması halında TANAP-da həm bizim hissələrimizin, həm də SOCAR-ın hissələrinin strateji iş birliyi də nəzərə alınmaqla satılması mümkün ola bilər”.
Taner Yıldız bildirib ki, hazırda TANAP-a müxtəlif ölkələrdən təkliflər var. Bu təkliflər həm kommersiya, həm strateji baxımdan araşdırılandan sonra ən doğru nəticəyə gəlinəcək.
Belə görünür ki, Taner Yıldız Türkiyənin və Azərbaycanın TANAP-dakı səhmlərinin bir hissəsinin satışının mümkünlüyü haqda danışıb. Lakin “bir hissəsini” sözünü ya jurnalistlər qarşısında danışanda tez-tez səhvlər buraxan Taner Yıldız işlətməyib, ya da “Habertürk” ixtisar edib. Çünki nə Türkiyənin, nə də Azərbaycanın TANAP-dakı hissələrinin hamısının kiməsə satışından söhbət gedə bilməz.
.jpg)
