AZ
RU
Yenixeber.org: UEFA Millətlər Liqasında Azərbaycan yığması ilə eyni qrupda yer alan Kosovo millisinin baş məşqçisi müəyyənləşib.
Kosovo Futbol Federasiyasının rəsmi saytıxəbər verir ki, yığma Bernard Şallanda həvalə olunub. 67 yaşlı isveçrəli mütəxəssislə 2 illik müqavilə bağlanılıb.
Qeyd edək ki, Bernard Şallandın son iş yeri 2014-2015-ci illərdə rəhbərlik etdiyi Ermənistan yığması olub. Kosovo millisi 20 - 27 martda Fransanın paytaxtı Parisdə baş tutacaq hazırlıq prosesi çərçivəsində iki yoxlama matçında qüvvəsini sınayacaq. Yeni baş məşqçi martın 24-də Madaqaskar kollektivi ilə oyunda debüt edəcək. Kosovolular 3 gün sonra Burkina-Faso yığması ilə üz-üzə gələcək.
Azərbaycan millisi Kosovo ilə sentyabrın 7-də evdə, noyabrın 20-də isə səfərdə qarşılaşacaq.
