Polşanın paytaxtı Varşavada cüdo üzrə Avropa çempionatı başa çatıb.

Yenixeber.org:   Məlumata görə, fərdi yarışlar başa çatdıqdan sonra bu gün komandalar arasında qalib bəlli olub.

Kişilərin yarışında 16 ölkənin komandası çempionluq uğrunda mübarizə aparıb.

Millimizin 1/8 finaldakı ilk rəqibi Monteneqro olub. Yığmamız balkanlıları darmadağın edib - 5:0. Nicat Şıxalizadə, Hidayət Heydərov, Rüfət İsmayılov, Tural Səfquliyev, Uşanqi Kokouri rəqiblərinə şans verməyiblər.

Növbəti rəqib isə Çexiya ilə görüşdən qalib ayrılan Fransa olub. Komandamız yarımfinal uğrundakı gərgin mübarizədən məğlub ayrılıb - 2:3. Hidayət Heydərov və Məmmədəli Mehdiyev öz çəkilərində qalib gəlsə də, Nicat Şıxəlzadə, Rüstəm Orucov və Elxan Məmmədov isə uduzub.

Təsəlliverici görüşlərdə yığmamızın ilk rəqibi Hollandiya millisi olub. Yığmamız bu dəfə də rahat qələbəyə sevinib - 4:1. Nicat Şıxalizadə, Hidayət Heydərov, Rüfət İsmayılov və Məmmədəli Mehdiyev qalib gəlib, yalnız Kokouri məğlubiyyətə üzülüb.

"Bürünc" yolundakı son rəqib isə Ukrayna yığması olub. İlk üç çəkidə idmançılarımız qələbə qazansa da, son iki görüş baş tutmayıb. Hakimlər isə Ukrayna millisinə texniki qalibiyyət verib. Əldə etdiyimiz məlumata görə, buna səbəb 90 kq çəki dərəcəsindəki təmsilçimiz Məmmədəli Mehdiyevin rəqibinə qarşı qeyri-etik jest etməsidir. Bu, isə yığmamıza məğlubiyyət bahasına başa gəlib.

Kişilər

1/8 final
Azərbaycan – Monteneqro - 5:0

66 kq Nicat Şıxalizadə - Yusuf Nurkoviç
73 kq Hidayət Heydərov - Nikola Qusiç
81 kq Rüfət İsmayılov - Miliç
90 kq Tural Səfquliyev - Bubanya
+90 kq Uşanqi Kokouri - Pantiç

1/4 final
Azərbaycan - Fransa - 2:3

66 kq Nicat Şıxəlzadə - Aleksandr Maryak
73 kq Hidayət Heydərov - Lyuk Korval
81 kq Rüstəm Orucov - Pape Ndaye
90 kq Məmmədəli Mehdiyev - Aksel Klerj
+90 kq Elxan Məmmədov - Sirill Maret

Təsəlliverici görüş
Azərbaycan - Hollandiya - 4:1

66 kq Nicat Şıxəlizadə - Van Harten
73 kq Hidayət Heydərov - Sem Van Vestende
81 kq Rüfət İsmayılov - De Vit
90 kq Məmmədəli Mehdiyev - Ven Tend
+90 kq Uşanqi Kokouri - Maykl Korrel

Bürünc medal uğrunda görüş
Azərbaycan - Ukrayna - 3:0 (Ukrayna millisinə texniki qələbə verilib)

66 kq Nicat Şıxəlizadə - Gevorq Xaçatryan
73 kq Hidayət Heydərov - Kanivets
81 kq Rüfət İsmayılov - Krivçaç