İspaniya çempionatı çərçivəsində 26-cı turun oyunları keçirilib.

Yenixeber.org:   Liderlər "Real Madrid" və "Barselona" növbəti böyük hesablı qələbələrini qazanıblar.

Kral klubu bu turda "Eybarın" qonağı olub. Los Merengues (ağlar) ilk dəqiqələrindən oyuna nəzrati ələ keçiriblər. 14 və 25-ci dəqiqələrdə Benzema, 29-cu dəqiqədə Xames və 60-cı qəqidə isə Asensio rəqibin qapısına yol tapıblar - 0:4.

Ev sahibləri 72-ci dəqiqədə Penyanın qolu ilə hesab arasındakı fərqi azaltsalar da, bundan artığına gücləri çatmayıb. Oyun 1:4 hesabı ilə Realın xeyrinə başa çatıb.

Çempionatın nominal lideri olan "Barsa" "Nou kamp"-da "Selta"-nı qəbul edib. Ev sahibləri fasiləyə 24-cü dəqiqədə Messinin və 40-cı dəqiqədə Neymarın qolları ilə 2:0 hesablı üstünlüklə yollanıblar. İkinci hissədə oyunun gedişatı dəyişməyib. 57-ci dəqiqədə Umtiti, 61-ci dəqiqədə isə Rakitiç hesabı müvafiq olaraq 3:0 və 4:0 edib. Oyunun 64-cü dəqiqəsində Messi dubl edərək darmadağında nöqtəni qoydu - 5:0.

Bu oyunlarda sonra, Barselona 60 xalla nominal liderliyini saxlayır. Ondan bir oyun az keçirmiş Real Madrid 59 xalla ikinici pillədə qərarlaşıb.