AZ
RU
"Qarabağ" - "Qəbələ" matçında insident
Azərbaycan Premyer Liqasının XIII turunda keçirilən "Qarabağ" - "Qəbələ" matçının son dəqiqələrində insident baş verib.
Xeberinfo.com: "Report"un məlumatına görə, insident futbolçular arasında olub. Oyunun əsas vaxtına əlavə olunmuş dəqiqələrdə Filip Ozobiç topu rəqibdən alaraq hücuma keçib. "Qarabağ"ın futbolçusu Riçard Almeyda isə bunun qarşısını rəqib futbolçunu tutmaqla alıb. Baş hakim braziliyalının bu hərəkətini sarı vərəqə ilə qiymətləndirib. Riçard ikinci "sarı"nı alaraq meydandan qovulub.
Bundan sonra "Qarabağ"ın heyətində Dino Ndlovu Ozobiçə öz etirazını bildirib. Hadisə yerinə gələn Cavid Hüseynov Ndlovuya etiraz edib və tərəflər arasında insidenti yaşanıb.
"Qarabağ"ın ikinci qolundan sonra hadisə daha da böyüyüb. Futbolçular bir-biriləri ilə münaqişə edib və "Qəbələ" tərəfi referiyə kəskin etirazını bildirib.
Xatırladaq ki, oyun "Qarabağ"ın qələbəsi ilə başa çatıb-2:1.
.jpeg)
