Redaktor seçimi
Zaur Mikayılov Eldar Əzizovun kölgəsində “üzür” –
Anar Əlizadəyə Serbiya pasportu nədən verildi - Adı rusiyalı casuslar, müharibə oliqarxları ilə birgə hallanan milyonçu kimdir?/
Saleh Məmmədov dərhal həbs olunmalıdır,... PKK terror təşkilatının missioneridir -
Təhməzlilərin "6-cı mərtəbə"sində çirlki pullar belə yuyulur -
Səbzəliyev qardaşlarının “Sobsan” boya fabriki ekoloji fəlakət yaradır-
Heydərovların “London macərası” başa çatdı – 
Qadının evini başına uçuran “Melissa Group” tikinti şirkəti kimindir? -
Deputatlığa namizəd olmuş “Emil Daymond” kimi tanınan Emil Məmmədov əslində kimdir? -
Günün xəbəri

Həştərxanda Birinci Avropa Oyunlarına dəstək aksiyası təşkil olunub

 

"Xeberinfo.com":   Bu gün Heydər Əliyev Fondunun vitse-prezidenti Leyla Əliyevanın rəhbərlik etdiyi Rusiya Azərbaycanlı Gənclər Təşkilatının (AMOR) təşkilatçılığı ilə Rusiyanın müxtəlif şəhərlərində keçirilən Bakı - 2015 Birinci Avropa Oyunlarına dəstək kampaniyası çərçivəsində Rusiya Federasiyasının Həştərxan şəhərində bu Oyunlarının açılış mərəsimi ərəfəsində növbəti dəstək aksiyası keçirilib.

         Aksiya Ümumrusiya Azərbaycanlılar Konqresinin Həştərxan bölməsinin və AMOR-un Həştərxan bölməsinin təşkilatçılığı ilə şəhərin mərkəzində yerləşən Ulu öndər Heydər Əliyev adına parkda təşkil olunub.

         Tədbirin əvvəlində parkda ucaldılmış Ümummilli lider Heydər Əliyevin abidəsi önünə gül dəstələri qoyulmuş, əziz xatirəsi ehtiramla yad edilib.

Aksiya iştirakçılarına Olimpiya obyektləri, idman qurğuları, Milli Olimpiya Stadionu, şəhərdə görülən yenidənqurma işləri barədə geniş məlumat verilib. Əsas diqqət Avropa Oyunlarına görülən hazırlıq işlərinə yönəldilib. Həmçinin tədbir zamanı gənclər tərəfindən Birinci Avropa Oyunlarını əks etdirən geyimlərdə fleşmob keçirilib və iştirakçılara Oyunlara aid suvenirlər və broşurlar paylanıb.

         Tədbirdə Həştərxan vilayəti və şəhərinin administrasiyasının nümayəndələri, şəhər sakinləri, AMOR-un üzvləri, Həştərxanda yerləşən Heydər Əliyev adına məktəbin kollektivi və şagirdləri, yerli diaspora nümayəndələri iştirak ediblər.

 

         Birinci Avropa Oyunlarında Həştərxan idmançılarının iştirakını, tarixən Azərbaycan - Həştərxan dostluq münasibətlərini, son illər ərzində Azərbaycan, xüsusilə də Heydər Əliyev Fondu tərəfindən Həştərxanda geniş miqyaslı layihələrin həyata keçirilməsini nəzərə alaraq bu dəstək aksiyası Həştərxan sakinləri tərəfindən böyük maraqla qarşılanıb

Qeyd edək ki, Bakı - 2015 Birinci Avropa Oyunları açılış mərasimində istirak etmək üçün Həştərxan vilayətinin qubernatoru A.Jilkinin rəhbərlik etdiyi nümayəndə heyəti Oyunların Təşkilat Komitəsi tərəfindən dəvət olunub.





Facebook-da paylaş

Yeni xəbərlər

Reklam

Reklam