"Xeberinfo.com":  Məlumata görə, “Qəbələ” evdə “İnter”lə 1:1 bərabərə qalıb. Qəbələ şəhər stadionundakı oyunundan sonra keçirilən mətbuat konfransında açıqlama verən qonaq komandanın baş məşqçisi Kaxaber Sxadadze heç-heçəni belə şərh edib: “Qarabağ”ı çempionluq münasibəti ilə təbrik edirəm. 

Onlar buna layiq idi. Qurban Qurbanovu şəxsən təbrik edirəm. “İnter”i də gümüş mükafata görə artıq təbrik etmək olar. Onlar mənim üçün qəhrəmandı. Çətinliyə baxmayaraq, sona qədər mübarizə apardı. 

“Qəbələ”ni də xüsusi ilə qeyd etmək lazımdı. Onların oyunu Avropa üslubuna uyğun idi. Beynəlxalq arenada uğur qazanacaqlarına inanıram. Oyuna gəldikdə isə futbolçularımda qələbə istəyi çox idi. Sadəcə, sonuncu zərbə çatışmırdı. Mövsümə görə hər kəsə təşəkkür edirəm. 

“Qarabağ”la xal fərqi 10 olanda artıq şansımız yox idi. Sonradan ağdamlılar xal itirdi, biz yaxşı seriya əldə etdik. Buna görə də cuzi şansımız var idi. Bilirsiz, Allah şans verəndə bundan yaxşı yararlanmaq lazımdı. Mən də futbolçularıma bildirmişdim ki, kişi kimi mübarizə etmək lazımdı”.

“Qafqazinfo”