AZ
RU
.jpg)
"İnsanlıq tarixinin şahid olduğu ən böyük qətliamlardan biri Xocalı soyqırımıdır"
“Türkiyə və Azərbaycan həm sevincdə, həm də kədərdə dost və qardaşdır. Xocalı ortaq dərdimizdir. Hər il fevralın 26-sı birlikdə yas tutub, birlikdə ağlayırıq. Düz 23 il əvvəl Xocalıda qəddarcasına qətlə yeririlmiş qardaş-bacılarımıza rəhmət diləyirik. Bir daha belə acı günlər yaşamamağı arzulayıram”.
"Xeberinfo.com": Məlumata görə, bu fikirləri Türkiyənin Adana millət vəkili, Ailə, Sağlamlıq və Sosial İşlər Komissiyasının başqanı Necdət Ünüvar bildirib. Necdət Ünüvar qeyd edib ki, insanlıq tarixinin şahid olduğu ən böyük qətliamlardan biri Xocalı soyqırımıdır:
“İnsanlıq tarixi yüzilliklər boyu çox sayda qətliama şahidlik edib. Bu dəhşətli hadisələrdən biri də Xocalı qətliamıdır. Xocalıda 106 qadın, 83 uşaq, 74 qoca qətlə yetirilib. Ümumilikdə 613 Azərbaycan türkü həmin gecə öldürülüb. Qadın, uşaq, yaşlı demədən soyqırım törədilib və 487 mülki vətəndan ağır yaralanıb.
Xocalı da daxil olmaqla Ermənistanın işğal etdiyi Azərbaycan torpaqları bir an öncə işğaldan azad edilməlidir. Başda BMT olmaqla bütün beynəlxalq təşkilatları vəzifələrini həyata keçirməyə dəvət edirik”.
Musavat.com
