AZ
RU
Parlamentin qarşısında aksiya keçirilib
Bu gün şəhid ailələri və Qarabağ qazilərinin bir qrupu Milli Məclisin binası qarşında aksiya keçirib.
"Xeberinfo.com": Musavat.com-un əməkdaşının verdiyi məlumata görə, aksiya iştirakçıları onlara çatası 11 min manatlıq sığortanın (qanpulu) verilməsini tələb ediblər. Aksiyada Qarabağ Qazilər Birliyinin sədri Etimad Əsədov və qurumun digər rəhbər şəxsləri də iştirak ediblər.
Deputatlar Fazil Mustafa və İqbal Ağazadə aksiya iştirakçılarını dinləyərək, onlara fikirlərini çatdırsalar da, etirazçılar israrla Milli Məclisin birinci vitse-spikeri Ziyafət Əsgərovla görüş tələb ediblər.
F.Mustafa deyib ki, əslində, burada Milli Məclisə aid bir şey yoxdur. Belə ki, Konstitusiya Məhkəməsi yanlış olaraq, qaziləri və şəhid ailələrini parlamentə yönləndirib.
İclas başlayan ərəfədə Z.Əsgərov və MM-in Aparat rəhbəri Səfa Mirzəyev aksiya iştirakçıları ilə görüşə gəliblər.
