AZ
RU
Xəzərdə növbəti zəlzələlər baş verə bilər
Bu gün Xəzər dənizində qeydə alınan üç ardıcıl zəlzələnin təhlükəsi yoxdur və heç bir yaşayış məntəqəsində hiss olunmayıb.
"Xeberinfo.com": Respublika Seysmoloji Xidmət Mərkəzinin (RSXM) baş direktoru Qurban Yetirmişli APA-ya açıqlamasında deyib ki, bu zəlzələlər aktiv ocaqlarda qeydə alınıb və dəfələrlə həmin yerlərdə zəlzələlər baş verib.
Onun sözlərinə görə, Xəzərin cənubunda baş verən baş verən zəlzələlər elə də güclü deyil və maqnitudası 3.3, 3.4, 3.9 olub: “Buna görə də hər hansı bir təhlükə yoxdur. Bundan sonra həmin ərazidə növbəti zəlzələlər baş verə bilər”.
Q.Yetirmişli qeyd edib ki, Xəzərdə çökmə örtüyünün qalınlığı 28 metrə qədərdir. Amma bu gün baş verən zəlzələlərin artıq çökmə örtüyünü keçdiyini deyən mərkəzin baş direktoru qeyd edib ki, ən çox dərinlikdə baş verən zəlzələlər də Xəzərdə baş verir. Onun sözlərinə görə, quru sahələrdən fərqli olaraq, Xəzərdə baş verən zəlzələlər daha dərindir: “Bundan sonra da zəlzələlər davam edərsə də güclü təkan gözlənilmir. Artıq 3 xırda təkan qeydə alınıb. Ona görə də bundan sonra güclü təkan ola bilməz”.
