AZ
RU
Hərbçimiz Rusiyada öldürüldü
Rusiyada azərbaycanlı öldürülüb.
"Xeberinfo.com": Məlumata görə, həmyerlimiz 27 noyabrda Pskovda hərbi xidmət zamanı qətlə yetirilib.
Adı açıqlanmayan azərbaycanlı 76-cı Pskov desant-hücum diviziyasının 104-cü polkunun desantı olub. O, Nijeqorodski vilayətindən hərbi xidmətə çağırılıb.
Bu barədə Pskov informasiya agentliyi diviziyada baş verən hadisənin şahidlərinə istinadən məlumat yayıb. Bir neçə mənbənin verdiyi məlumata görə, hərbi qulluqçulardan biri münaqişənin gedişatında bıçaqla öz hərbçi yoldaşlarından birinə ölümcül xəsarət yetirib, daha iki yoldaşını isə yaralayıb. Bundan sonra isə heç nə baş verməmiş kimi yatağına uzanaraq yatıb.
Təsdiq olunmamış məlumatlarda münaqişənin milli zəmində baş verdiyinin ehtimal edildiyi bildirilir.
Hadisədən 5 gün keçməsinə baxmayaraq Rusiya Müdafiə Nazirliyi hələ də bu barədə şərh verməyib.
