AZ
RU
.jpg)
Arif Yunusun həbs müddəti uzadıldı
Bu gün Nəsimi Rayon Məhkəməsi Sülh və Demokratiya İnstitutunun əməkdaşı, dövlətə xəyanətdə ittiham olunan Arif Yunusun həbs müddətini daha 4 ay ( 2015-ci il martın 15-dək) uzadıb.
"Xeberinfo.com": Vəkil Xalid Bağırov bildirib ki, istintaq həbs müddətinin uzadılmasını istintaq hərəkətlərinin aparılmasının, çoxsaylı şahidlərin dindirilməsinin, ekspert rəylərinin alınmasının vacibliyi və çox güman ki, A.Yunusun istintaqdan gizlənə bilməsi ehtimalı ilə əsaslandırıb.
A.Yunus özü bildirib ki, ona qarşı cinayət işi saxtadır və siyasi motivlidir.
Bununla yanaşı müdafiə tərəfi həbsin ev dustaqlığı ilə əvəz olunması barədə vəsatət qaldırıb.Vəsatətə nə zaman baxılacağı hələlik bəlli deyil.
