AZ
RU
İntiqam Əliyevin apellyasiya şikayəti təmin olunmadı
Hüquqşünas İntiqam Əliyevin həbs-qətimkan tədbirinin uzadılmasından apellyasiya şikayəti təmin olunmayıb.
"Xeberinfo.com": Hüquqşünas özü səhhətindəki problemlərə görə prosesdə iştirak edə bilməyib. Bu barədə onun vəkili Cavad Cavadov facebook səhifəsində yazıb.
Bakı Apellyasiya Məhkəməsi Nəsimi rayon məhkəməsinin həbs-qətimkan tədbirinin uzadılmasından, eləcə də hüquqşünasın ev dustaqlığına buraxılmasından şikayətə baxıb.
İntiqam Əliyevin həbs müddəti oktyabrın 24-də 3 ay uzadılıb. Nəsimi rayon Məhkəməsi İntiqam Əliyevin həbs müddətini uzadıb və onun ev dustaqlığına buraxılması haqqında vəsatəti təmin etməyib. Həmin prosesdə hüquqşünasın durumu qəfil pisləşib.
İntiqam Əliyev avqustun 8-də qanunsuz sahibkarlıq, vergidən yayınma, vəzifə səlahiyyətlərindən sui-istifadədə ittiham olunaraq həbs edilib.
(5).jpeg)
