Yasamal rayonunda “Qanlı göl” ətrafında yaşayanların köçürülməsi ciddi narazılıqlara səbəb olub.

Ərazidə yaşayan məcburi köçkünlərin onlara kompensasiya verilməməsindən şikayətçidirlər. 

 "Xeberinfo.com":Sakinlər AzNews.az-ın əməkdaşına deyiblər ki, Yasamal rayon İcra Hakimiyyətindən ərazidə 2011-ci ildən sonra məskunlaşanlara heç bir kompensasiya verilməyəcək. Lakin sakinlər onlardan əvvəl köçürülənlərin mənzillə təmin olunduğunu söyləyiblər. 

Hazırda sakinlərin öz mənzillərini tərk etmələri üçün İcra Hakimiyyəti əməkdaşları müxtəlif üsullardan istifadə edir. Elə buna görədir ki, evlərə verilən elektrik və qazın verilməsi dayandırılıb. 

Bundan başqa, sakinlər polis təzyiqi ilə üzləşdiyini bildirirlər. 

Füzuli rayonundan qaçqın düşmüş Məmmədovlar ailəsi polis tərəfindən onlara xəbərdarlıq edildiyini və 3 gün ərzində evi boşaltmağı məcbur olduqlarını deyirlər.

Xatırladaqki, bu ərazidən 261 ailə köçürülüb və əksəriyyəti mənzil və ya kompensasiya ilə təmin olunub.

Ərazidən hazırladığımız video süjeti təqdim edirik: