AZ
RU
Xırdalandakı partlayış jurnalistin həyatını təhlükəyə saldı
Sentyabrın 8-də Abşeron rayonu, Xırdalan şəhərində tikintisi başa çatmamış beşmərtəbəli yaşayış binasında baş vermiş partlayışda ağır xəsarət alan ailələrdən biri jurnalist ailəsidir.
"Xeberinfo.com": Bu, "Aztelekom" İstehsalat Birliyinin İctimaiyyətlə əlaqələr üzrə baş mütəxəssisi Vidadi İsmayılovun ailəsidir.
Hadisə nəticəsində Vidadi İsmayılovun bədəninin 90%-i yanıb, həyatı təhlükə altındadır. 42 yaşlı Vidadi İsmayılov və onun 13 yaşlı oğlu Yunus İsmayılov (bədənin 30%-i yanıb) Respublika Yanıq Mərkəzinə yerləşdirilib.
İsmayılovlar ailəsinin daha 3 üzvü hadisə nəticəsində xəsarət alıb.
“Ailədə olan 5 nəfərin hamısı xəsarət alıb. Vəziyətləri ağırdır. Kimisi yanıb, kimisi əzilib”. Bu barədə Vidadi İsmayılovun qardaşı məlumat verib.
Tənəffüs yolları yanmış Vidadi İsmayılov reanimasiyadadır, həkimlər onun həyatının təhlükədə olduğunu bildiriblər.
.jpg)
