Amerika Birləşmiş Ştatlarının (ABŞ) Prezidenti Donald Trampın məxfi əmrinə əsasən, Mərkəzi Kəşfiyyat İdarəsi (MKİ) terrorçuları məhv etmək üçün pilotsuz uçan aparatlardan (PUA) istifadə edir.

Yenixeber.org:  ABŞ hökumətindəki mənbələrə istinadla, bu barədə xəbəri «The Wall Street Journal» nəşri yayıb. Qəzet yazır ki, Trampın bu qərarı sabiq dövlət başçısı Barak Obamanın siyasəti ilə tam əkslik təşkil edir və MKİ idarəsi ilə Pentaqon arasında münaqişəyə səbəb ola bilər.

Qəzetin məlumatına görə, MKİ artıq özünün yeni səlahiyyətlərindən istifadə etmək imkanı qazanıb. Bu, fevralın sonlarında «Əl-Qaidə» liderlərindən birinə qarşı təşkil olunmuş hücum zamanı baş verib. O zaman Tramp administrasiyası terrorçunun məhv edildiyini xəbər versə də, bu əməliyyatın arxasında Pentaqonun yox, MKİ-nin dayandığını açıqlamamışdı.

Bundan əvvəl «dron»lar istisnasız olaraq, terrorçuluqda şübhəli bilinənlərin axtarılması məqsədilə istifadə oluna bilərdi. Bu üsulla toplanmış informasiya sonradan hərbçilərə ötürülürdü, onlar da öz növbəsində, PUA-nı terrorçunun məhv olunması üçün göndərirdilər.

Yeni qaydaları nə Pentaqonda, nə də MKİ-də hərh etməyiblər.