Cənubi Koreyanın texnologiya şirkəti “Samsung”un direktor köməkçisi və vəliəhdi Lee Jae-yong həbs olunub.

Xeberinfo.com:   O, dövlət başçısı Park Geun-hyenin səlahiyyətlərinin əlindən alınmasına yol açan korrupsiya və siyasi nüfuz qalmaqalı ilə bağlı araşdırma zamanı saxlanılıb.
Lee Jae-yong dövlət başçısı Park Geung-hyenin səlahiyyətindən sui-istifadə ittihamı ilə vəzifəsindən uzaqlaşdırılmasına yol açan korrupsiya və siyasi nüfuz qalmaqalında məhkəməyə ifadə verib. O, Geun-hyenin dostu Choi Soon-sil tərəfindən idarə olunan qurumlara yardım etməkdə günahlandırılaraq həbs olunub.
Məhkəmə yeni dəlillərin əldə edildiyini və Leenin qaçma ehtimalını qiymətləndirərək həbs qərarı verildiyini bildirib. “Samsung Group” açıqlamasında əsl gerçəklərin ortaya çıxması üçün əllərindən gələni edəcəklərini bəyan edib.
Lee Jae-yongun isə məhkəmə prosesi bitənə qədər həbsdə qala biləcəyi söylənir. Bu prosesin 18 aya qədər uzanması ehtimalı var. Jae-yongun Cənubi Koreyanın vəzifədən uzaqlaşdırılan keçmiş dövlət başçısına 38 milyon dollar rüşvət verdiyi iddia edilir.