AZ
RU
ReAl liderlərindən biri həbs oluna bilər -“İran işi”nə görə
“Respublikaçı Alternativ” (ReAl) hərəkatının İdarə Heyətinin üzvü Azər Qasımlı bu gün bir daha Baş Prokurorluğun Ağır cinayətlər üzrə İstintaq idarəsinə çağırılıb.
Xeberinfo.com: “Turan”a istinadən xəbərə görə, bu barədə vəkil Elçin Sadıqov məlumat verib. Mənbənin sözlərinə görə, onu prokurorluğun binasına buraxmayıblar. Qasımlı prokurorluğun binasına saat 13:00-da daxil olub.
“Məni buraxmadıqlarına görə, güman edirəm ki, Qasımlını təqsirləndirilən qismində cəlb edərək, həbs edə bilərlər”, - vəkil deyib.
Ötən həftə Azərbaycanın baş prokuroru virtualaz.org-da İran səfirliyinin nümayəndəsinin ReAl rəhbərliyi ilə keçirdiyi görüş barədə dərc olunmuş yazıda göstərilən faktların araşdırılması barədə göstəriş vermişdi.
