AZ
RU
Oğlu atasını 20 bıçaq zərbəsi ilə öldürdü -Bakıda dəhşətli qətl
Bakıda qətl hadisəsi baş verib.
Xeberinfo.com: Trend-in məlumatına görə, hadisə yanvarın 4-də gecə saat 23 radələrində paytaxtın Binəqədi rayonunun Müşviqabad qəsəbəsində baş verib.
Qəsəbə sakini, 1995-ci il təvəllüdlü Novruzov Laçın Mehman oğlu yaşadıqları evdə atası - 1965-ci il təvəllüdlü Məmmədov Mehman Musa oğlu ilə içki üstündə mübahisə edib. Mübahisə nəticəsində L.Novruzov M.Məmmədovu çoxsaylı bıçaq zərbələri ilə qətlə yetirib. Oğul atasını 20 bıçaq zərbəsi endirməklə qətlə yetirib.
Məlumata görə, ata M.Məmmədov içki aludəçisi olub və bu səbəbdən də ailədə tez-tez söz-söhbət yaranırmış. Dekabrın 4-də gecə saatlarında evə yenidən içkili gələn M.Məmmədov ailə üzvləri ilə dalaşıb. Buna görə də L.Novruzov mətbəx bıçağı ilə atasını qətlə yetirib.
Hadisəni törədən L.Novruzov saxlanılıb. Faktla bağlı Binəqədi Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanılıb.
.jpg)
