Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Akif Çovdarovun məhkəməsində Tağı Əhmədovun qohumları ifadə verib

 

Xeberinfo.com:   Bu gün Sabunçu Rayon Məhkəməsinin inzibati binasında ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov, MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işi üzrə məhkəmə iclası davam etdirilib.

“Report”un məlumatına görə, Bakı Hərbi Məhkəməsinin sədri Həbib Həsənovun sədrliyi ilə qapalı keçirilən prosesdə Bakı Metropoliteninin sabiq rəisi, Yeni Azərbaycan Partiyasının (YAP) Yasamal rayon təşkilatı üzrə sədri Tağı Əhmədovun zərərçəkmiş kimi ifadə verəcəyi elan olunub.

Jurnalistlərə açıqlama verən A.Çovdarovun vəkili Sadiq Rəsulov bildirib ki, təqsirləndirilən şəxslərin vəkilləri buna etiraz edib: “Biz əvvəlcədən hansı epizodlar üzrə işə baxılacağını bilmirdik. Bu barədə məlumat verilməmişdi. Çünki cinayət işinin cildləri çox olduğu üçün onu özümüzlə gəzdirmək mümkün deyildi. Buna görə də məhkəmənin təxirə salınmasını istədik”.

Məhkəmə günün ikinci yarısına qədər təxirə salınıb. Günün ikinci yarısında davam etdiriləcək iclasda T.Əhmədovun zərərçəkmiş kimi ifadə verəcəyi gözlənilir.

S.Rəsulovun sözlərinə görə, müvəkkilinin səhhəti yenə məhkəmədə pisləşib.

Günün ikinci yarısında davam etdirilən prosesdə zərərçəkmiş qismində T.Əhmədovun qardaşı oğlu Şövqi Əhmədov və onun qohumu Elşən Tağıyev dindirilib.

Hər iki şəxs ifadəsində qeyd edib ki, onları MTN-ə aparıblar və orada döyüblər: “Lakin orada kim tərəfindən döyüldüklərimizdən xəbərsizik. Təqsirləndirilən şəxslərin isə heç birini tanımırıq”.

Daha sonra Ş.Əhmədovla E.Tağıyevin istintaqa verdiyi ifadələrlə məhkəmədə verdikləri ifadələr arasında ziddiyyətlər olduğu müəyyənləşib. Onların ifadələri elan edilib. Bundan sonra həmin şəxslər istintaqa verdikləri ifadələrini təsdiq etdiklərini deyiblər.

Vəkil S.Rəsulov növbəti məhkəmə iclasında T.Əhmədovun məhkəmədə ifadə verəcəyini bildirib.

İttiham aktına əsasən, Ş.Əhmədovla E.Tağıyev MTN-ə aparılıb, orada döyülüblər. Həmin şəxslər ifadələrində söyləyiblər ki, MTN-də T.Əhmədovun əleyhinə ifadə vermələri tələb olunub.

Məhkəmənin növbəti iclası dekabrın 28-nə təyin edilib.

Qeyd edək ki, A.Çovdarov ötən ilin noyabr ayında həbs edilib. Həmin vaxt Səbail Rayon Məhkəməsi onun barəsində dörd ay müddətində həbs qətimkan tədbiri seçib. Sonradan həbs qətimkan tədbirinin vaxtı bir neçə dəfə uzadılıb. O, Cinayət Məcəlləsinin 145.3 (Qanunsuz azadlıqdan məhrum etmə ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 179.3.1, 179.3.2 (Mənimsəmə və ya israf etmə mütəşəkkil dəstə tərəfindən külli miqdarda törədildikdə), 181.3.1, 181.3.2 (Quldurluq mütəşəkkil dəstə tərəfindən külli miqdarda əmlak əldə etmək məqsədi ilə törədildikdə), 182.3.1, 182.3.2 (Hədə-qorxu ilə tələb etmə külli miqdarda əmlak əldə etmək məqsədi ilə törədildikdə ), 228.4 (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə), 302.1, 302.2 (Gizli qaydada informasiya alınması üçün nəzərdə tutulmuş texniki vasitələrdən istifadə edilməklə əməliyyat-axtarış fəaliyyəti haqqında qanunvericiliyi pozma), 311.3.1, 311.3.2, 311.3.3, 311.3.4 (Rüşvət alma qabaqcadan əlbir olan bir qrup şəxs və ya mütəşəkkil dəstə tərəfindən hədə-qorxu tətbiq olunmaqla külli miqdarda və təkrar törədildikdə), 313 (Vəzifə saxtakarlığı), 341.2.1, 341.2.2 və 341.2.3-cü (Bir qrup şəxs tərəfindən silah tətbiq olunmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə ağır nəticələrə səbəb olduqda) maddələri ilə ittiham olunur.

A.Çovdarov və MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işi üzrə ittiham aktı ibtidai araşdırmaya prosessual rəhbərliyi həyata keçirən Azərbaycan Respublikasının Baş prokuroru tərəfindən təsdiq edilərək sentyabrın 5-də aidiyyəti üzrə baxılması üçün məhkəməyə göndərilib.

Xatırladaq ki, cinayət işi üzrə 320-dən çox şahid, 60-dan çox isə zərərçəkmiş var. Zərərçəkmiş şəxslərə vurulmuş ziyanın ödənilməsinin təmin olunması üçün məhkəmə qərarları əsasında təqsirləndirilən şəxslər A.Çovdarov, S.Məmmədov, A.Əliyev və O.Osmanova məxsus ümumilikdə 33 milyon 466 min manat dəyərində əmlak və pul vəsaitlərinin, o cümlədən 8 milyon 967 min manat dəyərində ticarət və xidmət sahələri, istilikxanalar, balıqçılıq təsərrüfatları və sair əmlak kompleksi, torpaq sahələri, 24 milyon 445 min manat dəyərində fərdi yaşayış evləri, mənzillər, nəqliyyat vasitələri və 37 min manat dəyərində zərgərlik məmulatlarının üzərinə həbslər qoyulub.


Facebook-da paylaş

Yeni xəbərlər

Reklam

Reklam