AZ
RU
"Piter Elçin"in qardaşına 25 güllə vurulub -DİN məlumat yaydı
Daxili İşlər Nazirliyi ötən gün Masallıda baş verən güllələnmə hadisəsi ilə bağlı məlumat yayıb.
Xeberinfo.com: DİN-ə istinadən xəbərə görə, dekabrın 21-də Masallı rayonunun Türkoba kəndində Lənkəran rayon sakini Murad Quluzadə odlu silahdan açdığı atəşlə Rusiya vətəndaşı Fariz İsmayılovu qətlə yetirib. O, könüllü Lənkəran Şəhər-Rayon Polis Şöbəsinə gəlib və hadisəni törədərkən istifadə etdiyi "UZİ" markalı silahı və 7 ədəd gülləni təhvil verib.
Hadisə yerinə baxış zamanı 25 ədəd giliz aşkarlanıb. Faktla əlaqədar cinayət işi başlanıb.
Xatırladaq ki, qətlə yetirilən şəxs lənkəranlı kriminal aləmdə "Piter Elçin" kimi tanınan qardaşıdır.
