AZ
RU
Mağazadan 2500 manatlıq oğurluq edənlər saxlanıldı – VİDEO
Xaçmazda 2 tanış əlbir olaraq geyim mağazasını qarət edib.
Xeberinfo.com: ARB TV xəbər verir ki, zərərçəkən şəxsə 2500 manat məbləğində ziyan vuranlar isti izlərlə saxlanılıb.
RPŞ-nın əməkdaşları tərəfindən keçirilən əməliyyat axtarış tədbirləri nəticəsində oğurluq əməlini törədənlərin, şəhər sakini Elvin Heydərov və Köhnə Xaçmaz kənd sakini Əziz Hacıbalayev olduğu müəyyənləşib. İstintaq zamanı məlum olub ki, Əziz və Elvin qabaqcadan əlbir olaraq oğurluq planı hazırlayıblar. Elvin Heydərov 27 BX-311 dövlət nömrə nişanlı “Kia Rio” markalı avtomaşınla Xaçmaz şəhəri, Nəriman Nərimanov prospektində yerləşən Axunbala Kərimova məxsus mağazanın qarşısında pusquda dayanıb. Əziz Hacıbalayev isə mağazanın qapısını sındıraraq içəri daxil olub. Mağazadan müxtəlif adda uşaq, qadın və kişi paltarları oğurlanıb. Saxlanılan şəxslər əməllərindən peşman olduqlarını bildiriblər.
Əziz Hacıbalayev və Elvin Heydərovun digər oğurluq əməllərində iştirak edib-etməmələri araşdırılır.
.jpg)
