AZ
RU
Vergilər naziri işdən çıxarılıb? - Rəsmi açıqlama
Ötən gündən başlayaraq kütləvi informasiya vasitələrində Vergilər Nazirliyində dəyişiklik edilməsilə bağlı informasiyalar yayılıb.
Xeberinfo.com: Yayılan informasiyalarda deyilir ki, Azərbaycan Prezidenti İlham Əliyevin sərəncamı ilə Vergilər naziri Fazil Məmmədov işdən azad edilib. Prezident bu barədə sərəncamı G20 ("Böyük İyirmilik”) ölkələri liderlərinin Antalya sammitinə yola düşməmişdən öncə imzalayıb.
Hətta vergilər naziri postuna yeni təyinat olması barədə məlumatlar da yazılıb. Qeyd edilir ki, yeni vergilər naziri Dövlət Sosial Müdafiə Fondunun sədri Elman Mehdiyev təyin olunub.
Məsələ ilə əlaqədar Baku.vs-ya Vergilər Nazirliyindən bildiriblər ki, bu barədə onlarda heç bir informasiya yoxdur: "Bizə belə bir məlumat daxil olmayıb. Fazil Məmmədov hazırda iş başındadır”.
Dövlət Sosial Müdafiə Fondundakı etibarlı mənbədən Axar.az-a bildirilib ki, hazırda fond sədri Elman Mehdiyev iş başındadır və onun vergilər naziri vəzifəsini təslim alması barədə yazılanların heç bir əsası yoxdur. Fonddan bidirilib ki, hətta bu yayılan şayiələrin özündən belə onlar xəbərsizdirlər.
Qeyd edək ki, qanuna uyğun olaraq prezidentin sərəncamından sonra vəzifəli şəxs postundan çıxarılır. Hələlik nazirin çıxarılması ilə bağlı rəsmi sərəncamın olmaması da məlumatın dəqiq olmadığına əsas verir.
.jpg)
