AZ
RU
Vəfat edən zəvvarların ailəsinə kompensasiya veriləcək
Builki Həcc ziyarəti zamanı vəfat edən azərbaycanlı zəvvarların ailələrinə kompensasiya ödəniləcək.
"Xeberinfo.com": Məlumata görə, bu barədə “Report”un sorğusuna cavab olaraq Qafqaz Müsəlmanları İdarəsindən (QMİ) məlumat verilib.
QMİ-dən bildirilib ki, dünyasını dəyişən zəvvarların hər birinin ailəsinə 6 min manat məbləğində kompensasiya ödəniləcək: “Nəzərdə tutulan kompensasiya yaxın günlərdə mərhumların ailələrinə veriləcək”.
Qeyd edək ki, builki Həcc ziyarəti zamanı azərbaycanlı zəvvarlar – 60 yaşlı Fəxrəddin Zeynalov, 57 yaşlı Kəklik Aslanova və 1936-cı il təvəllüdli Əzizağa Şirinov dünyasını dəyişib.
