2015-ci ilin birinci yarımilliyi ərzində Vergilər Nazirliyinin Vergi Apellyasiya Şurasının icraatında 14 müraciət olub.

"Xeberinfo.com":   Məlumata görə, bu barədə fins.az Vergilər Nazirliyinə istinadən xəbər verir. Məlumata görə, müraciətlərdən 1-i 2014-cü ildən qalıb, 13-ü isə bu ilin ilk 6 ayı ərzində daxil olub. Şuranın icraatında olmuş müraciətlərdən 8-i kameral vergi yoxlamasının, 3-ü səyyar vergi yoxlamasının, 3-ü isə operativ vergi nəzarətinin nəticələri ilə bağlı olub.
Şuranın icraatında olmuş 14 müraciətdən 11-inə 2015-ci ilin birinci yarımilliyi ərzində Vergi Məcəlləsinin, “İnzibati icraat haqqında” Qanunun, “Vergilər Nazirliyinin Vergi Apellyasiya Şurası haqqında Əsasnamə”nin və digər aidiyyəti hüquqi aktların tələblərinə uyğun baxılaraq müvafiq qərarlar qəbul edilib, 3 müraciət isə 1 iyul 2015-ci il tarixinə qalıq qalıb. Həmin 3 müraciətdən 1-i üzrə əhəmiyyət kəsb edən halların müəyyən olunması ilə bağlı olaraq Xarici İşlər Nazirliyi vasitəsilə Böyük Britaniyanın vergi orqanına sorğu göndərilib.
Şurada baxılaraq müvafiq qərarlar qəbul edilmiş 11 müraciətin 4-ü tam və ya qismən təmin edilib, 4-ü təmin edilməyib, 1-inin icraatına xitam verilib, 2-i isə baxılmadan saxlanılıb. Şura tərəfindən baxılmış 11 müraciətdən 10-u vergi ödəyicisinin təkrar şikayəti üzrə, 1-i isə vergi orqanının müraciəti üzrə olub.